Patere o Ngatiwai

Takina ake ra te tai tara ki Motukokako
Whakataha ia ra nga Tikitiki a tu Temahurangi
He manu kawe i nga kii i roto o Pouerua
Nga kohu i tatau o runga o Rakaumangamanga
Tahuna tapu te riri e
Whai mai ra ki au

Tena ra pea koe e pa e Te Aputanga
Te korero a wharena
Kia hauhia te rongo
E here e mau te rongo
Ka whakarau ika a Ngapuhi
Ka tu Taiharuru te moana
I hoea ai e Ngatiwai

Ki raro ki putawiri
Ka mate ki reira ko te wehenga
Ka ora ki reira ko te au Kumeroa
Nga tai e to na ki waho o Morunga
Hei au here Tohora
Whai mai ra ki au

Te tu winiwini, te tu wanawana.
Ka tu putaina te whai au, ki te au marama
Ko Manaia te Maunga, Ko Manaia te Tupuna
Tu atu nei te wahapu o Whangarei Terenga Paraoa.
Ko nga uri whakatupuranga o toi te Huatahi
Hei unaunahi i whakatupiri
Ki te ika nui a Maui - Tiki - a - Taranga.

Tihei... Mauri Ora!